ᱛᱟᱲᱟᱢ ᱯᱤᱪᱷᱤ ᱪᱮᱦᱮᱞᱼᱪᱮᱦᱮᱞ
ᱪᱷᱤᱞᱠᱟᱹᱣ ᱯᱮᱨᱮᱡ ᱠᱟᱸᱰᱟ
ᱞᱚᱦᱚᱫ ᱮᱱᱟᱹᱧ ᱥᱚᱨᱚᱼᱵᱚᱨᱚ
ᱞᱤᱪᱟᱹᱲ ᱱᱟᱱᱦᱟ ᱰᱟᱸᱰᱟ ᱿
ᱡᱮᱨᱮᱲᱼ ᱯᱚᱛᱟᱣ ᱢᱩᱛᱩᱞ ᱵᱷᱤᱛ ᱨᱮ
ᱴᱮᱸᱰᱟᱨ ᱟᱠᱟᱱ ᱴᱮᱸᱰᱟ
ᱜᱟᱛᱮ ᱠᱩᱲᱤ ᱞᱚᱠᱷᱟ ᱜᱩᱴᱤ
ᱢᱤᱻᱢᱤᱫ ᱵᱟᱻᱵᱟᱨ ᱜᱟᱸᱰᱟ ᱿
ᱞᱚᱦᱚᱫ ᱦᱚᱲᱢᱚ ᱥᱚᱨᱚᱼᱵᱚᱨᱚ
ᱛᱟᱲᱟᱢ ᱵᱟᱝ ᱜᱮ ᱴᱟᱸᱰᱟᱜ
ᱛᱤᱨᱞᱟᱹ ᱦᱚᱯᱚᱱ ᱪᱮᱛᱟᱱ ᱦᱤᱡᱩᱜ
ᱫᱤᱱᱟᱹᱢ ᱯᱤᱲᱟ ᱯᱷᱟᱸᱰᱟ ᱿
ᱜᱩᱛᱤ ᱠᱚᱲᱟ ᱛᱤᱨᱭᱳᱣ ᱼᱵᱟᱱᱟᱢ
ᱞᱟᱜᱟ ᱠᱤᱱᱟᱭ ᱡᱚᱲᱟ ᱠᱟᱰᱟ
ᱟᱹᱛᱤᱧ ᱟᱹᱠᱤᱱ ᱥᱚᱯᱚᱜᱼᱨᱚᱰᱚᱜ
ᱜᱚᱴᱟ ᱜᱟᱰᱟ ᱰᱷᱚᱰᱟ ᱿
ᱠᱤᱥᱟᱹᱬ ᱮᱨᱟᱭ ᱨᱩᱦᱤᱫ ᱮᱫᱟ
ᱠᱷᱟᱞᱵᱷᱚᱨᱟ ᱨᱟᱸᱰᱟ
ᱡᱚᱢ ᱵᱤ ᱠᱟᱛᱮᱭ ᱥᱟᱸᱰᱟᱝ ᱟᱠᱟᱱ
ᱱᱩᱭ ᱩᱫᱟᱹᱢ ᱥᱟᱸᱰ ᱿
Found a mistake in the transcription?
Compare it with the scanned copy and
send us the correction.