ᱧᱮᱞᱚᱜ ᱞᱮᱜᱮᱡᱼᱞᱮᱜᱮᱡ ᱵᱟᱹᱫᱽᱼᱵᱟᱹᱭᱦᱟᱹᱲ,
ᱦᱳᱲᱳ ᱜᱟᱹᱪᱷᱤ ᱧᱮᱞᱚᱜ ᱟᱹᱰᱤ ᱦᱟᱹᱨᱤᱭᱟᱹᱲ ᱾
ᱨᱚᱦᱚᱭ ᱪᱟᱵᱟ ᱠᱟᱛᱮᱫ ᱪᱟᱹᱥᱤᱼᱵᱚᱭᱦᱟ ᱠᱷᱮᱨᱣᱟᱲ,
ᱜᱚᱢᱦᱟ ᱯᱟᱨᱟᱵᱽ ᱠᱚ ᱥᱟᱯᱲᱟᱣ ᱟᱠᱟᱱ, ᱟᱵᱚ ᱥᱟᱱᱛᱟᱲ ᱾
ᱨᱟᱹᱥᱠᱟᱹ ᱜᱮ ᱦᱮᱥᱮᱡᱼᱥᱮᱠᱮᱡ ᱢᱮᱱᱟᱜ, ᱟᱵᱚ ᱫᱤᱥᱚᱢ ᱜᱟᱲ,
ᱠᱟᱨᱟᱢᱼᱜᱚᱥᱟᱸᱭ ᱜᱚᱢᱦᱮᱲ ᱨᱮ, ᱟᱱᱮᱡᱼᱫᱷᱟᱱᱮᱡ ᱪᱟᱹᱥᱤ ᱠᱷᱮᱨᱣᱟᱲ ᱾
ᱵᱷᱤᱛᱟᱹᱨ ᱚᱲᱟᱜ ᱨᱮ,ᱦᱟᱺᱰᱤ ᱛᱮᱵᱚᱱ ᱯᱮᱨᱮᱡ ᱩᱢᱟᱹᱲ,
ᱵᱚᱸᱜᱟᱼᱵᱳᱨᱳ ᱟ ᱛᱷᱩᱛᱤ ᱛᱮ, ᱛᱟᱦᱮᱸᱱ ᱟᱵᱚ ᱵᱩᱨᱤᱭᱟᱹᱲ ᱾
ᱥᱟᱱ ᱵᱚᱸᱜᱟ ᱠᱩᱱᱟᱹᱢᱤ ᱨᱮ ᱟᱹᱛᱩ ᱜᱷᱟᱢᱟᱜᱷᱩᱲ,
ᱫᱦᱚᱨᱚᱢ ᱟᱠᱷᱲᱟ ᱨᱮ ᱴᱟᱢᱟᱠᱼᱛᱩᱢᱫᱟᱜ ᱜᱩᱦᱩᱲᱜᱩᱦᱩᱲ ᱾
ᱯᱤᱴᱷᱟᱹ,ᱞᱮᱴᱚ ᱥᱚᱸᱫᱷᱟᱬ ᱥᱚᱛᱮ,ᱜᱚᱴᱟ ᱟᱹᱛᱩ ᱪᱟᱢᱯᱷᱮᱲ,
ᱵᱩᱞᱼᱵᱷᱩᱛᱟᱹᱲ ᱴᱷᱮᱱ, ᱮᱱᱮᱡ ᱥᱟᱵᱚᱜ,ᱠᱩᱲᱤ ᱠᱚ ᱮᱨᱮᱲ ᱾
ᱠᱟᱨᱟᱢ,ᱨᱤᱸᱡᱟᱹ ᱠᱚ ᱞᱩᱦᱩᱠ ᱮᱱᱮᱡ ᱨᱟᱹᱥᱠᱟᱹ ᱜᱮ ᱫᱚᱲᱼᱫᱚᱲ,
ᱥᱮᱨᱮᱧ ᱨᱟᱦᱟ ᱛᱮ ᱛᱟᱨᱠᱚᱜ, ᱟᱹᱛᱩ ᱪᱚᱦᱚᱲᱼᱪᱚᱦᱚᱲ ᱾
ᱥᱟᱱ ᱵᱚᱸᱜᱟ ᱫᱟᱜᱼᱡᱟᱹᱯᱩᱫᱽ ᱜᱷᱟᱱᱮ ᱜᱷᱟᱲᱼᱜᱷᱩᱲ,
ᱪᱷᱩᱴᱟᱹᱣ ᱠᱚᱜ ᱠᱚ ᱞᱟᱜᱽᱬᱮ ᱮᱱᱮᱡ, ᱜᱚᱴᱟ ᱧᱤᱸᱫᱟᱹ ᱪᱩᱦᱩᱲᱼᱪᱩᱦᱩᱲ ᱾
Found a mistake in the transcription?
Compare it with the scanned copy and
send us the correction.