ᱤᱸ ᱢᱟᱹ ᱐᱗ᱹ᱐᱙ᱹ᱒᱐᱒᱖ ᱦᱤᱛ, ᱱᱟᱶᱟ ᱫᱤᱞᱞᱤ ᱨᱮ ᱦᱩᱭᱞᱮᱱ ᱵᱷᱟᱨᱚᱛ ᱫᱤᱥᱚᱢ ᱟᱹᱫᱤᱵᱟᱹᱥᱤ ᱥᱮᱱᱮᱞᱮᱫ ᱨᱮ ᱫᱟᱜ ᱡᱤᱣᱤ, ᱚᱛᱼᱦᱟᱥᱟ ᱟᱨ ᱵᱤᱨᱼᱵᱩᱨᱩ ᱠᱚᱨᱮᱱᱟᱜ ᱵᱩᱱᱤᱭᱟᱹᱫᱤ ᱦᱚᱠᱼᱟᱹᱭᱫᱟᱹᱨᱤ ᱥᱟᱶᱛᱮ ᱚᱱᱟ ᱥᱟᱱᱟᱢ ᱠᱚᱨᱮᱱᱟᱜ ᱡᱚᱜᱟᱣ ᱢᱟᱱᱚᱛ ᱞᱮᱠᱟᱱ ᱟᱭᱢᱟ ᱟᱹᱨᱡᱤ ᱨᱟᱝᱜᱟᱣ ᱢᱤᱪᱷᱤᱞ ᱥᱟᱯᱲᱟᱣ ᱞᱮᱱᱟ ᱾ ᱱᱚᱝᱠᱟᱱ ᱟᱹᱭᱫᱟᱹᱨᱤ ᱥᱮᱝᱜᱮᱞ ᱞᱮᱠᱟ ᱱᱤᱛᱚᱝ ᱵᱟᱹᱭᱵᱟᱹ ᱭᱛᱮ ᱟᱹᱫᱤᱢ ᱡᱟᱹᱛᱤ ᱠᱚ ᱛᱟᱞᱟᱨᱮ ᱡᱮᱨᱮᱫ ᱤᱫᱤᱜ ᱠᱟᱱᱟ, ᱚᱨᱡᱚ ᱨᱮ ᱱᱤᱛ ᱟᱹᱫᱤᱢ ᱡᱟᱹᱛᱤᱭᱟᱹᱨᱤ ᱪᱤᱨᱜᱟᱹᱞᱚᱜ ᱨᱮᱭᱟᱜ ᱵᱩᱨᱥᱤ ᱥᱮᱝᱜᱮᱞ ᱟᱹᱛᱩ ᱴᱚᱞᱟ ᱠᱷᱚᱱ ᱵᱟᱡᱟᱨ ᱱᱟᱜᱟᱨ ᱟᱨ ᱱᱤᱛ ᱫᱤᱥᱚᱢ ᱨᱟᱡᱽᱜᱟᱲ ᱨᱮ ᱫᱩᱞᱫᱩᱞᱟᱹᱣ ᱨᱮᱭᱟᱜ ᱫᱟᱹᱭᱠᱟᱹ ᱛᱤᱝᱜᱩ ᱞᱮᱱᱟ ᱾ ᱜᱚᱴᱟ ᱫᱤᱥᱚᱢ ᱠᱷᱚᱱᱟᱜ ᱑᱖ ᱯᱚᱱᱚᱛ ᱨᱤᱱ ᱟᱹᱫᱤᱵᱟᱹᱥᱤ ᱠᱚ ᱡᱩᱢᱤᱫ ᱞᱮᱱᱟ ᱟᱨ ᱟᱵᱚ ᱠᱚᱣᱟᱜ ᱦᱚᱠ ᱟᱹᱭᱫᱟᱹᱨᱤ ᱨᱮᱭᱟᱜ ᱪᱤᱦᱟᱹᱴ ᱛᱟᱨᱠᱚ ᱜᱚᱫ ᱞᱮᱱᱟ ᱾ ᱳᱰᱤᱥᱟ ᱯᱚᱱᱚᱛ ᱠᱷᱚᱱ ᱠᱷᱮᱨᱣᱟᱲ ᱠᱚᱢᱨᱮᱰ ᱢᱟᱹᱱ ᱥᱟᱞᱚ ᱢᱟᱹᱨᱰᱤ ᱥᱟᱶᱛᱮ ᱟᱭᱢᱟ ᱟᱹᱫᱤᱢ ᱠᱚ ᱱᱚᱶᱟ ᱨᱟᱝᱜᱟᱣ ᱢᱤᱪᱷᱤᱞ ᱨᱮ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾
Found a mistake in the transcription?
Compare it with the scanned copy and
send us the correction.