ᱢᱩᱠᱩᱴᱢᱚᱱᱤᱯᱩᱨ ᱨᱮ ᱜᱳᱲᱟᱵᱟᱲᱤ ᱰᱮᱢ ᱨᱮ
ᱛᱤᱱᱟᱹᱜ ᱨᱟᱥᱤᱵᱟᱥᱤ ᱟᱛᱳ ᱛᱟᱦᱮ ᱠᱟᱱᱟ
ᱢᱩᱞᱩᱠ ᱪᱮᱛᱟᱱ ᱢᱩᱞᱩᱠ ᱛᱟᱦᱮᱠᱟᱱᱟᱠ ᱥᱩᱞᱩᱠ
ᱵᱟᱦᱟ, ᱥᱚᱦᱚᱨᱟᱭ ᱫᱟᱥᱟᱭ, ᱠᱟᱨᱟᱢ ᱨᱟᱹᱥᱠᱟᱹ ᱨᱮᱠᱚ ᱵᱩᱞᱩᱜ
ᱜᱷᱟᱨᱚᱧᱡᱽ ᱥᱚᱢᱟᱡᱽ ᱛᱟᱞᱟᱨᱮ ᱥᱟᱶᱛᱟ ᱟᱨᱤᱪᱟᱞᱤ
ᱡᱤᱭᱟᱹᱲ ᱠᱟᱛᱮ ᱠᱚ ᱫᱚᱦᱚ ᱞᱮᱫᱟ ᱟᱰᱤ ᱜᱮ ᱨᱤᱞᱤᱯᱷᱤᱞᱤ
ᱥᱤᱥᱤᱨᱡᱚᱱᱟᱜ ᱥᱤᱨᱡᱚᱱ ᱦᱟᱦᱟᱲᱟ ᱞᱤᱞᱟᱹ ᱠᱷᱮᱞᱟ
ᱥᱮᱨᱢᱟ ᱡᱟᱲᱤ ᱵᱟᱝ ᱛᱮ ᱪᱟᱱᱫᱳᱜᱮᱭ ᱟᱠᱟᱞᱟ
ᱫᱚᱥᱟ ᱱᱚᱣᱟ ᱧᱮᱞᱛᱮ ᱢᱚᱴᱟ ᱵᱚᱦᱚᱜ ᱠᱚᱣᱟᱜ ᱠᱟᱛᱷᱟ ᱛᱮ
ᱵᱮᱱᱟᱣ ᱠᱮᱫᱟ ᱠᱚ ᱰᱮᱢ ᱥᱚᱨᱠᱟᱨᱟᱜ ᱢᱩᱨᱟᱹᱭ ᱠᱟᱹᱣᱰᱤ ᱛᱮ
ᱚᱱᱟᱛᱮ ᱥᱟᱱᱛᱟᱲ ᱠᱚ ᱞᱟᱜᱟ ᱠᱮᱛ ᱠᱚ ᱟᱠᱚᱣᱟᱜ ᱟᱛᱳ ᱵᱟᱜᱤ ᱠᱟᱛᱮ
ᱟᱭᱳ ᱵᱟᱵᱟ ᱵᱚᱭᱦᱟ ᱢᱤᱥᱤ ᱠᱚᱣᱟᱜ ᱢᱟᱭᱟ ᱛᱚᱯᱟᱜ ᱠᱟᱛᱮ
ᱚᱠᱚᱭ ᱫᱚ ᱵᱤᱫᱮᱥ ᱚᱠᱚᱭ ᱫᱚ ᱱᱟᱢᱟᱞ ᱚᱠᱚᱭ ᱫᱚ ᱜᱩᱛᱤ ᱫᱟᱥᱤ
ᱡᱟᱦᱟᱨᱮᱜᱮᱢ ᱥᱮᱱᱚᱜ ᱟ ᱚᱰᱮᱜᱮ ᱦᱤᱥᱟᱹ ᱦᱤᱥᱤ
ᱚᱠᱚᱭ ᱠᱚᱣᱟᱜ ᱫᱚ ᱛᱟᱨᱮᱱ ᱯᱷᱚᱠᱟᱜ ᱚᱠᱚᱭ ᱠᱚᱣᱟᱜ ᱫᱚ ᱛᱤ
ᱱᱟᱢᱟᱞ ᱠᱟᱢᱤ ᱦᱟᱢᱟᱞ ᱠᱚ ᱨᱮᱦᱚ ᱵᱟᱹᱱᱩᱜ ᱛᱟᱠᱚ ᱮᱴᱟᱜ ᱡᱩᱠᱛᱤ
ᱩᱱᱟᱹᱜ ᱦᱤᱥᱟᱹ ᱥᱩᱭᱟᱹ ᱛᱟᱠᱚ ᱵᱟᱝ ᱠᱚ ᱠᱩᱯᱩᱞᱤᱜ ᱵᱩᱜᱤ ᱵᱟᱲᱤᱡ
ᱠᱤᱥᱟᱹᱲ ᱠᱚᱢᱟ ᱫᱟᱣ ᱠᱷᱟᱱ ᱜᱮ ᱦᱤᱨᱠᱟᱹ ᱜᱮᱠᱚ ᱨᱚᱲ ᱥᱤᱲᱤᱡᱽ
ᱡᱤᱣᱤ ᱡᱟᱛᱤ ᱡᱚᱞᱚᱱ ᱠᱟᱛᱮ ᱦᱚ ᱵᱟᱱᱩᱜ ᱛᱟᱠᱚ ᱪᱮᱫ ᱜᱮ ᱩᱯᱟᱹᱭ
ᱫᱩᱠ ᱡᱟᱞᱟ ᱥᱮᱫᱟᱭ ᱠᱟᱛᱷᱟ ᱩᱭᱦᱟᱹᱨ ᱵᱷᱟᱵᱱᱟ ᱛᱮᱠᱚ ᱟᱜᱩᱭ
ᱟᱛᱳ ᱚᱲᱟᱜ ᱰᱤ ᱰᱟᱦᱤ ᱱᱤᱛᱢᱟ ᱰᱮᱢ ᱜᱳᱲᱟᱵᱟᱲᱤ
ᱡᱚᱨᱚᱞᱮᱱᱟ ᱛᱤᱱᱟᱹᱜ ᱥᱟᱱᱛᱟᱲ ᱠᱚᱣᱟ ᱢᱮᱫ ᱫᱟᱜ ᱛᱩᱲᱩᱜᱷᱩᱲᱤ
ᱱᱟᱜᱟᱢ ᱥᱟᱠᱟᱢ ᱧᱮᱞ ᱞᱮᱠᱷᱟᱱ ᱥᱟᱨᱤ ᱛᱚᱞᱟᱥ ᱞᱮᱠᱷᱟᱱ
ᱢᱩᱠᱩᱴᱢᱚᱱᱤᱯᱩᱨ ᱨᱮᱱᱟᱜ ᱜᱳᱲᱟᱵᱟᱲᱤ ᱰᱮᱢ ᱨᱮᱫᱚ
ᱚᱱᱰᱮᱱ ᱠᱚ ᱥᱟᱱᱛᱟᱲ ᱠᱚᱣᱟᱜ ᱢᱮᱫ ᱫᱟᱜ ᱜᱮ
ᱛᱚᱢᱵᱟᱣ ᱟᱠᱟᱱ ᱿
Found a mistake in the transcription?
Compare it with the scanned copy and
send us the correction.