ᱫᱩᱞᱟᱹᱲ ᱫᱚ ᱪᱮᱛᱟ ᱚᱱᱟ ᱠᱟᱱᱟ
ᱫᱤᱱᱟᱹᱢ ᱥᱮᱛᱟᱜ ᱥᱤᱸᱜᱟᱹᱬ ᱟᱢᱮᱢ ᱩᱭᱦᱟᱹᱨᱤᱧᱟ ?
ᱫᱩᱞᱟᱹᱲ ᱫᱚ ᱪᱮᱛᱟ ᱚᱱᱟ ᱠᱟᱱᱟ
ᱠᱟᱹᱢᱤ ᱪᱟᱞᱟᱣ ᱚᱠᱛᱚ ᱟᱢᱮᱢ ᱥᱟᱡᱟᱣ ᱠᱟᱹᱧᱟ ?
ᱫᱩᱞᱟᱹᱲ ᱫᱚ ᱪᱮᱛᱟ ᱚᱱᱟ ᱠᱟᱱᱟ
ᱛᱮᱛᱟᱝ ᱛᱤᱨᱯᱤᱛ ᱞᱟᱜᱤᱫ ᱫᱟᱜ ᱮᱢ ᱥᱳᱨ ᱟᱹᱧᱟ ?
ᱫᱩᱞᱟᱹᱲ ᱫᱚ ᱪᱮᱛᱟ ᱚᱱᱟ ᱠᱟᱱᱟ
ᱥᱮᱸᱫᱽᱨᱟ ᱠᱟᱨᱠᱟ ᱠᱷᱚᱱ ᱟᱢᱮᱢ ᱫᱟᱨᱟᱢᱤᱧᱟ ?
ᱫᱩᱞᱟᱹᱲ ᱫᱚ ᱞᱟᱹᱜᱽ ᱠᱟᱢᱤ ᱢᱚᱛᱚ ᱫᱚ ᱵᱟᱝ ᱠᱟᱱᱟ
ᱨᱤᱫᱚᱭ ᱠᱩᱸᱰᱤ ᱨᱮᱭᱟᱜ ᱢᱤᱢᱤᱫᱴᱟᱝ ᱞᱟᱲᱟᱣᱱᱟ ᱨᱮ ᱤᱧᱮᱢ ᱟᱹᱭᱠᱟᱹᱣ ᱧᱟᱢᱮᱧᱟ
ᱱᱟᱹᱴᱠᱟᱹ ᱱᱟᱹᱲᱤ ᱨᱮᱭᱟᱜ ᱞᱤᱸᱜᱤᱱ ᱢᱟᱭᱟᱢᱨᱮ
ᱤᱧᱮᱢ ᱟᱴᱠᱟᱨ ᱜᱚᱫᱮᱧᱟ
ᱧᱤᱫᱟᱹ ᱠᱩᱠᱢᱩ ᱨᱮᱦᱚᱸ ᱤᱧᱮᱢ ᱧᱮᱞᱮᱧᱟ,
ᱟᱢᱟᱜ ᱢᱚᱱᱮ ᱡᱤᱣᱤ ᱚᱱᱛᱚᱨ ᱨᱮ
ᱤᱧᱤᱧ ᱩᱱᱩᱢ ᱟᱸᱜᱮᱱ ᱫᱟᱲᱮᱭᱟᱜᱼᱟ
ᱱᱚᱣᱟ ᱠᱚ ᱟᱛᱮᱜᱮ ᱛᱚᱯᱚᱞᱚᱜᱼᱟ
ᱫᱩᱞᱟᱹᱲ ᱨᱮᱭᱟᱜ ᱵᱤᱱ ᱥᱩᱛᱟᱹᱢ ᱢᱟᱞᱟ ᱾
Found a mistake in the transcription?
Compare it with the scanned copy and
send us the correction.