ᱟᱢᱟᱵᱟᱹᱥᱭᱟᱹ ᱧᱤᱫᱟᱹ ᱫᱚᱨᱮ ᱩᱱᱟᱹᱜ ᱵᱟᱭ ᱧᱩᱛᱟᱹᱛ
ᱵᱟᱛᱤᱢ ᱡᱮᱨᱮᱫ ᱞᱮᱨᱮ ᱦᱚᱭᱚᱜ ᱟᱨᱥᱟᱞ,
ᱥᱟᱱᱛᱟᱲ
ᱦᱚᱯᱚᱱ ᱦᱚᱭ ᱠᱟᱛᱮᱢ ᱪᱷᱩᱰᱟᱹᱨᱚᱜ ᱞᱮᱨᱮ
ᱡᱟᱦᱟ ᱛᱤᱱᱟᱹᱜ ᱦᱟᱯᱮᱱ ᱵᱟᱛᱤᱢ ᱡᱮᱨᱮᱫ
ᱵᱟᱝ ᱮᱢ
ᱧᱮᱞ ᱧᱟᱢᱟ ᱟᱜᱟᱢ ᱢᱟᱨᱥᱟᱞ ᱾ ᱹᱹᱹᱹᱹᱹᱹᱹᱹᱹᱹᱹᱹ (᱑)
ᱠᱟᱞᱮ ᱵᱟᱞᱮ ᱫᱷᱚᱱᱮᱢ ᱦᱟᱨᱟ ᱵᱩᱨᱩ ᱟᱠᱟᱱ
ᱠᱩᱥᱤᱭᱟᱜ ᱛᱟᱦᱮᱢ ᱵᱩᱨᱩ ᱫᱷᱟᱨᱮ ᱱᱟᱹᱭ ᱱᱟᱞᱟ,
ᱚᱵᱚᱜ
ᱥᱤᱠᱷᱱᱟᱹᱛ ᱛᱮᱨᱮ ᱱᱟᱦᱟ ᱫᱚᱨᱮ
ᱵᱟᱝ ᱮᱢ ᱠᱩᱥᱤᱭᱟᱜ ᱠᱟᱱ ᱥᱟᱱᱛᱟᱲ ᱴᱚᱞᱟ
᱾ ᱹᱹᱹᱹᱹᱹᱹᱹᱹᱹᱹᱹᱹ (᱒)
ᱱᱚᱛᱮ ᱥᱟᱱᱛᱟᱲᱛᱮ ᱨᱚᱲ ᱢᱮᱛᱟᱢ ᱠᱷᱟᱱ
ᱩᱫᱩᱜᱚᱭᱟᱢ ᱡᱟᱱᱟᱢ ᱠᱚᱝᱠᱟ
ᱚᱱᱟᱛᱮᱜᱮ ᱡᱟᱱᱤᱡ
ᱥᱟᱱᱛᱟᱲᱟᱜ ᱢᱮᱫ ᱨᱮᱫᱚ
ᱟᱢ ᱫᱚᱨᱮ ᱟᱹᱰᱤᱜᱮ ᱟᱠᱟᱵᱚᱠᱟ ᱾ ᱹᱹᱹᱹᱹᱹᱹᱹᱹᱹᱹᱹᱹ (᱓)
ᱢᱟᱹᱱᱢᱤ ᱫᱚᱨᱮᱢ ᱦᱚᱭ ᱟᱠᱟᱱ
ᱥᱟᱱᱛᱟᱲ ᱢᱟᱹᱱᱢᱤ ᱫᱚᱨᱮᱢ ᱟᱫ ᱟᱠᱟᱱ,
ᱵᱟᱹᱱᱩᱜ ᱛᱟᱢ ᱟᱢᱟᱜ
ᱛᱤᱨᱮ ᱥᱤᱠᱷᱟᱹ ᱠᱷᱚᱫᱟ
ᱵᱟᱹᱱᱩᱜ ᱛᱟᱢ ᱥᱟᱱᱛᱟᱲ ᱞᱮᱠᱟ ᱨᱚᱲ ᱞᱟᱸᱫᱟ ᱾ ᱹᱹᱹᱹᱹᱹᱹᱹᱹᱹᱹᱹᱹ
(᱔)
ᱵᱟᱝ ᱮᱢ ᱞᱟᱦᱟ ᱤᱫᱤᱭᱮᱫ ᱥᱟᱶᱛᱟ
ᱵᱟᱝ ᱮᱢ ᱪᱟᱪᱚ ᱤᱫᱤᱭᱮ ᱱᱤᱨᱞᱟᱹ ᱞᱟᱠᱪᱟᱨ,
ᱥᱟᱦᱟᱭᱮᱫᱟᱢ
ᱟᱢᱟᱜ ᱠᱮᱴᱮᱡ ᱜᱟᱶᱛᱟ
ᱱᱚᱝᱠᱟ ᱫᱚᱨᱮ ᱪᱷᱟᱛᱤᱠ ᱴᱷᱮᱱ ᱮᱢ ᱞᱟᱦᱟᱪᱟᱨ ᱾ ᱹᱹᱹᱹᱹᱹᱹᱹᱹᱹᱹᱹᱹ
(᱕)
ᱞᱟᱪᱷᱟᱜ ᱨᱮ ᱠᱟᱞᱤ ᱜᱷᱟᱥᱟᱣ, ᱯᱩᱛᱷᱤ ᱨᱮ ᱯᱟᱲᱦᱟᱣ
ᱮᱴᱟᱜ ᱦᱚᱲ ᱫᱷᱚᱱᱫᱚ ᱟᱹᱰᱤᱜᱮᱢ ᱞᱟᱦᱟ
ᱟᱠᱟᱱ,
ᱱᱟᱯᱟᱭ ᱵᱩᱨᱫᱷᱤ ᱟᱹᱠᱤᱞ ᱫᱤᱨᱥᱟᱹ ᱛᱮᱫᱚ
ᱪᱮᱠᱟᱛᱮ? ᱟᱹᱰᱤᱜᱮᱢ ᱛᱟᱭᱚᱢ ᱟᱠᱟᱱ
᱾ ᱹᱹᱹᱹᱹᱹᱹᱹᱹᱹᱹᱹᱹ (᱖)
ᱪᱮᱰᱢᱟᱣ ᱢᱮᱥᱮ ᱱᱟᱯᱟᱭ ᱵᱩᱫᱷ ᱟᱹᱠᱤᱞᱛᱮ,
ᱵᱩᱡᱷᱟᱹᱣ ᱢᱮᱥᱮ, ᱞᱟᱪᱷᱟ ᱞᱟᱹᱜᱤᱫ ᱜᱮ ᱠᱟᱞᱤ ᱫᱚ,
ᱢᱟᱹᱱᱢᱤ
ᱢᱚᱪᱟ ᱞᱟᱹᱜᱤᱫ ᱫᱚ ᱛᱤᱥ ᱦᱚᱸ ᱵᱟᱝ ᱜᱮ,
ᱱᱟᱯᱟᱭ ᱥᱟᱦᱤᱡ ᱢᱮᱫᱛᱮ ᱠᱚᱭᱚᱜ ᱢᱮ
ᱱᱟᱯᱟᱭ
ᱰᱟᱦᱟᱨ ᱩᱫᱩᱜ ᱟᱠᱚᱜ ᱢᱮ ᱟᱢᱜᱮ ᱾ ᱹᱹᱹᱹᱹᱹᱹᱹᱹᱹᱹᱹᱹ (᱗)
ᱫᱤᱥᱟᱹᱭ ᱢᱮᱥᱮ ᱟᱢᱟᱜ ᱟᱜᱟᱢ,
ᱠᱚᱭᱚᱜ ᱠᱟᱛᱮ ᱛᱟᱲᱟᱢ ᱯᱟᱨᱚᱢ ᱢᱮ ᱫᱷᱤᱨᱤ ᱫᱟᱲᱟᱝ,
ᱵᱟᱹᱲᱤᱡ
ᱰᱟᱦᱟᱨ ᱛᱮᱢ ᱛᱟᱲᱟᱢ ᱞᱮᱠᱷᱟᱱ
ᱟᱢᱨᱮᱱᱜᱮ ᱯᱚᱸᱰᱟᱠ ᱧᱮᱞ ᱧᱟᱢ
ᱟᱢᱟᱵᱟᱹᱥᱭᱟᱹ ᱧᱤᱫᱟᱹ
ᱠᱷᱚᱱᱦᱚᱸ ᱧᱩᱛᱟᱹᱛ ᱠᱟᱲᱟᱝ ᱾ ᱹᱹᱹᱹᱹᱹᱹᱹᱹᱹᱹᱹᱹ (᱘)
