ᱯᱮ ᱨᱚᱝ ᱛᱮ ᱵᱮᱱᱟᱣ ᱟᱠᱟᱱ
ᱦᱤᱯᱤᱲᱼᱦᱤᱯᱤᱲ ‘ᱯᱷᱩᱨᱜᱟᱹᱞ ᱪᱤᱨ’
ᱚᱴᱟᱝ ᱨᱮᱵᱚᱱ ᱫᱚᱦᱚᱭ ᱫᱤᱱᱟᱹᱢ
ᱵᱟᱵᱚᱱ ᱛᱟᱸᱦᱮᱱ ᱛᱷᱤᱨ ᱾
ᱟᱨᱟᱜ ᱨᱚᱝ ᱨᱮ ᱫᱟᱲᱮ ᱛᱟᱵᱚᱱ
ᱵᱟᱹᱭᱨᱤ ᱠᱚᱵᱚᱱ ᱦᱮᱞᱮᱡ ᱠᱚᱣᱟ
ᱯᱩᱸᱰ ᱨᱚᱝ ᱫᱚ ᱱᱤᱨᱚᱲ ᱨᱮᱭᱟᱜ
ᱱᱤᱨᱚᱲ ᱜᱮᱵᱚᱱ ᱛᱟᱸᱦᱮᱱ
ᱦᱟᱹᱨᱭᱟᱹᱲ ᱨᱚᱝ ᱫᱚ ᱩᱛᱷᱱᱟᱹᱣ ᱨᱮᱭᱟᱜ
ᱥᱟᱶᱛᱟ ᱫᱮᱵᱚᱱ ᱩᱛᱷᱱᱟᱹᱣ ᱾
ᱛᱤᱱᱟᱹᱜ ᱥᱤᱧ, ᱛᱤᱱᱟᱹᱜ ᱧᱤᱫᱟᱹ
ᱢᱟᱭᱟᱢ ᱛᱟᱵᱚ ᱞᱤᱸᱜᱤ ᱞᱮᱱ
ᱛᱚᱵᱮ ᱮᱱᱟ ᱚᱴᱟᱝ ᱞᱮᱱᱟ
ᱯᱷᱩᱨᱜᱟᱹᱞ ᱫᱤᱥᱚᱢ ᱪᱤᱨ ᱾
ᱠᱚᱲᱟᱢ ᱚᱰᱟᱣ ᱠᱟᱛᱮ
ᱡᱤᱣᱤ ᱦᱚᱸ ᱟᱞᱟᱭ ᱠᱟᱛᱮ
ᱵᱤᱻᱨ ᱵᱟᱱᱴᱟ ᱫᱤᱥᱚᱢ ᱞᱟᱹᱜᱤᱫ
ᱠᱤᱨᱟᱹᱠᱚ ᱟᱛᱟᱝ ᱞᱮᱜᱼᱟ ᱾
ᱡᱤᱣᱤ ᱪᱟᱞᱟᱜ ᱨᱮᱦᱚᱸ
ᱢᱟᱭᱟᱢ ᱞᱤᱸᱜᱤᱱ ᱨᱮᱦᱚᱸ
ᱵᱷᱟᱨᱚᱛ ᱟᱭᱳ ᱫᱤᱥᱚᱢ ᱫᱚᱵᱚᱱ
ᱡᱚᱛᱚᱱ ᱫᱚᱦᱚᱭ ᱜᱮᱭᱟ ᱾
ᱦᱤᱯᱤᱲᱼᱦᱤᱯᱤᱲ ᱪᱤᱨ ᱛᱟᱵᱚ
ᱚᱴᱟᱝ ᱨᱮᱜᱮ ᱛᱟᱦᱮᱱ ᱢᱟ
ᱡᱟᱱᱟᱢ ᱫᱤᱥᱚᱢ, ᱡᱟᱱᱟᱢ ᱟᱭᱳ
ᱵᱟᱵᱚᱱ ᱰᱷᱤᱞᱟᱹᱣ ᱠᱤᱱ ᱾
Found a mistake in the transcription?
Compare it with the scanned copy and
send us the correction.