ᱵᱟᱭ ᱧᱟᱢᱚᱜ ᱩᱯᱨᱩᱢ ᱵᱷᱤᱲ ᱨᱮ ᱛᱟᱲᱟᱢ ᱠᱟᱛᱮ
ᱛᱟᱲᱟᱢ ᱦᱩᱭᱩᱜ ᱵᱩᱜᱤ ᱰᱟᱦᱟᱨ ᱵᱟᱪᱷᱟᱣ ᱠᱟᱛᱮ ᱾
ᱚᱱᱟ ᱛᱟᱭᱚᱢ ᱢᱤᱫ ᱫᱟᱹᱭᱠᱟᱹ ᱛᱮᱭᱟᱨᱚᱜᱼᱟ
ᱡᱩᱫᱤ ᱠᱩᱠᱢᱩ ᱥᱤᱛᱩᱝ ᱞᱮᱠᱟ ᱡᱷᱟᱞᱠᱟᱣᱜᱼᱟ ᱾
ᱡᱟᱦᱟᱸᱭ ᱡᱩᱫᱤ ᱡᱤᱨᱟᱹᱣ ᱨᱮᱭᱟᱜ ᱵᱟᱹᱜᱤ ᱠᱟᱛᱮ ᱩᱢᱩᱞ
ᱟᱡᱟᱜ ᱠᱩᱠᱢᱩ ᱞᱟᱹᱜᱤᱫ ᱥᱟᱞᱜᱟᱣᱟᱭ ᱥᱮᱸᱜᱮᱞ ᱾
ᱥᱟᱱᱟᱢ ᱯᱟᱦᱴᱟ ᱨᱮ ᱵᱤᱱᱤᱰ ᱢᱮᱭᱟᱭ ᱡᱤᱭᱚᱱ ᱫᱚ
ᱵᱚᱱᱫᱚᱭᱟᱭ ᱚᱱᱟ ᱰᱟᱦᱟᱨ ᱜᱮ ᱚᱠᱟ ᱚᱠᱛᱚ ᱫᱚ ᱾
ᱮᱱᱛᱮ ᱨᱮᱦᱚᱸ ᱪᱷᱩᱴᱟᱹᱣ ᱟᱢᱟᱜ ᱡᱷᱟᱞᱠᱟᱣ ᱢᱮ ᱱᱚᱝᱠᱟ
ᱧᱟᱞᱟᱫ ᱥᱮᱨᱢᱟ ᱨᱮ ᱡᱷᱟᱞᱠᱟᱣᱜ ᱤᱯᱤᱞ ᱞᱮᱠᱟ ᱾
ᱡᱟᱦᱟᱸᱭ ᱠᱚ ᱠᱩᱨᱩᱢᱩᱴᱩ ᱞᱮᱫᱼᱟ
ᱩᱱᱠᱩ ᱵᱤᱱᱤᱰ ᱨᱮᱠᱚ ᱱᱟᱯᱟᱭ ᱠᱮᱫᱼᱟ ᱾
ᱡᱟᱹᱯᱤᱫ ᱡᱤᱨᱟᱹᱣ ᱨᱮ ᱡᱟᱦᱟᱸᱭ ᱠᱚ ᱟᱫ ᱞᱮᱱᱟ
ᱠᱩᱠᱢᱩ ᱫᱚ ᱩᱱᱠᱩᱣᱟᱜ ᱚᱱᱠᱟ ᱜᱮ ᱛᱟᱦᱮᱸ ᱠᱟᱱᱟ ᱾
ᱚᱠᱚᱭ ᱧᱤᱫᱟᱹ ᱦᱚᱸ ᱟᱹᱰᱤ ᱠᱚ ᱠᱟᱹᱢᱤᱭᱟ
ᱮᱠᱮᱱ ᱩᱱᱠᱩ ᱜᱮ ᱡᱤᱭᱚᱱ ᱠᱚ ᱞᱟᱦᱟᱭᱟ ᱾
ᱥᱟᱨᱟ ᱜᱷᱟᱹᱲᱤᱡ ᱫᱚᱦᱚᱭ ᱢᱮ ᱟᱢ ᱫᱚ ᱟᱢᱟᱜ ᱢᱚᱱᱮ ᱠᱮᱴᱮᱡ
ᱪᱮᱫᱟᱜ ᱥᱮ ᱫᱟᱲᱮᱭᱟᱜᱼᱟ ᱠᱚ ᱡᱤᱛᱠᱟᱹᱨ ᱩᱱᱠᱩ ᱜᱮ ᱦᱟᱢᱮᱴ ᱾
ᱟᱢᱟᱜ ᱨᱤᱫᱟᱹᱭ ᱡᱩᱫᱤ ᱨᱟᱹᱯᱩᱫᱚᱜ ᱠᱟᱱᱟ
ᱢᱚᱱᱮ ᱢᱮ ᱰᱟᱦᱟᱨ ᱟᱢᱟᱜ ᱮᱴᱟᱜᱚᱜ ᱠᱟᱱᱟ ᱾
ᱠᱩᱠᱢᱩ ᱡᱩᱫᱤ ᱯᱩᱨᱟᱹᱣ ᱥᱟᱱᱟᱭᱮᱫ ᱢᱮ ᱟᱢᱟᱜ
ᱵᱟᱹᱲᱛᱤᱭ ᱢᱮ ᱩᱥᱟᱹᱨᱟ ᱛᱟᱲᱟᱢ ᱩᱱᱟᱹᱜ ᱟᱢᱟᱜ ᱾
ᱩᱯᱨᱩᱢ ᱠᱟᱹᱢᱤ ᱟᱢᱟᱜ ᱯᱟᱥᱱᱟᱣ ᱢᱮ,
ᱠᱚᱸᱜ ᱪᱮᱬᱮ ᱞᱮᱠᱟ ᱫᱷᱮᱭᱟᱱ ᱫᱚᱦᱚᱭ ᱢᱮ ᱾
ᱡᱤᱭᱚᱱ ᱫᱟᱨᱮ ᱨᱚᱦᱚᱭ ᱢᱮ ᱩᱭᱦᱟᱹᱨ ᱠᱟᱛᱮ ᱟᱜᱟᱢ
ᱵᱩᱜᱤ ᱰᱟᱦᱟᱨ ᱯᱟᱸᱡᱟᱭ ᱢᱮ ᱥᱮᱪᱮᱛ ᱠᱟᱛᱮ ᱱᱟᱜᱟᱢ ᱾
ᱢᱟᱨᱟᱝ ᱨᱮᱦᱚᱸ ᱡᱮᱜᱮᱛ ᱡᱟᱦᱟᱸ ᱛᱤᱱᱟᱹᱜ ᱜᱮ
ᱫᱤᱥᱟᱹ ᱫᱚᱦᱚ ᱠᱟᱛᱮ ᱞᱟᱦᱟ ᱢᱮ ᱩᱱᱟᱜ ᱜᱮ ᱾
ᱛᱟᱦᱮᱸᱱᱟᱭ ᱡᱟᱦᱟᱸᱭ ᱠᱩᱨᱩᱢᱩᱴᱩ ᱪᱷᱩᱴᱟᱹᱣ ᱨᱮ
ᱥᱟᱨᱦᱟᱣ ᱦᱚᱸᱭ ᱧᱟᱢᱟ ᱩᱱᱤ ᱟᱹᱛᱩ ᱫᱤᱥᱚᱢ ᱨᱮ ᱾
ᱡᱟᱦᱟᱸᱭ ᱵᱟᱹᱜᱤᱭᱟᱜᱼᱟᱭ ᱡᱟᱹᱯᱤᱫ ᱡᱤᱨᱟᱹᱣ
ᱡᱤᱭᱚᱱ ᱨᱮᱭᱟᱜ ᱠᱩᱠᱢᱩ ᱩᱱᱤᱭᱟᱜ ᱯᱩᱨᱟᱹᱣᱜ ᱾
Found a mistake in the transcription?
Compare it with the scanned copy and
send us the correction.